📚წიგნის კლუბი ბავშვებისთვის ვაზისუბანში! თუ გსურთ, რომ თქვენმა შვილმა შეიყვაროს კითხვა, ისწავლოს საკუთარი აზრის თავისუფლად დაფიქსირება, განავითაროს კრიტიკული აზროვნება და გაატაროს შაბათის საღამოები მეგობრულ, მყუდრო გარემოში - ეს შეხვედრები სწორედ თქვენთვისაა! 🎓მე კატო ვარ, თავისუფალი უნივერსიტეტის მართვისა და საზოგადოებრივი მეცნიერებების სტუდენტი. სკოლა დავამთავრე ოქროს მედალზე, ვარ ორი ინტელექტუალური შეჯიბრისა და ესეების კონკურსის გამარჯვებული. გავლილი მაქვს ფსიქოლოგიის ერთწლიანი კურსი. წიგნები ბავშვობიდან ძალიან მიყვარს, ამიტომ გადავწყვიტე ჩემი ჰობი საყვარელ საქმიანობადაც მექცია და ამგვარად გამეზიარებინა დაგროვებული ცოდნა თუ გამოცდილება პატარებისთვის. 🙌წიგნის კლუბი ბოლო 6 თვე სრულიად უფასოდ ფუნქციონირებდა, ვინაიდან სატესტო რეჟიმში იყო. ახლა კი გადავდივართ ახალ, უფრო სიღრმისეულ და სტრუქტურირებულ ეტაპზე და შესაბამისად, სპეციალურად შემუშავებული პროგრამით განვაგრძობთ მუშაობას. 🎯 როგორ ვიმუშავებთ? • თვეში 1 წიგნი: თვის განმავლობაში დეტალურად და სიღრმისეულად განვიხილავთ ერთ შერჩეულ წიგნს ან რამდენიმე მოთხრობას. • ინტერაქტიული დისკუსიები: ბევრი კითხვა, მსჯელობა, პერსონაჟების ქცევის ანალიზი და პარალელები რეალურ ცხოვრებასთან. • შემოქმედებითი აქტივობები: თამაშები, როლური განხილვები, პერსონაჟების ხატვა, გაფერადება და მხატვრული წერა. • თვის შემაჯამებელი შეხვედრა: თვის ბოლო შეხვედრაზე შევაჯამებთ გავლილ მასალას, ჩავატარებთ შემაჯამებელ აქტივობას და აღვნიშნავთ წიგნის დასრულებას. დეტალები და პირობები 👧ასაკი: 10-15 წელი( ჯგუფები დაიყოფა ასაკობრივად) 🔗რაოდენობა: თითო ჯგუფში მაქს. 10 ბავშვი. 🕰️დრო: ყოველ შაბათს, საღამოს 18:30 სთ 📍მდებარეობა: წიგნის კლუბი გაიმართება ჩემს კუთვნილ კაფეში “ჩაი კატოსთან”, რომლის მისამართიცაა ვაზისუბნის I მიკრო, პირამიდა პოლიციასა და 92-ე სკოლას შორის, მე-11 კორპუსის მიმდებარედ. 📌ღირებულება: 25 ლარი (თვიური საწევრო) 📩დეტალური ინფორმაციისა და დაინტერესების შემთხვევაში მომწერეთ პირადში ან დაპლიუსდით კომენტარებში, რათა თავად მოგწეროთ. გელით, რათა ერთად შევაყვაროთ ბავშვებს კითხვა!🤍