📸 ერთი დღე, ერთი სადილი, ერთი თეფში — კულინარიული ვორქშოფის შეჯამება! გუშინ მაია ყურაშვილის კულინარიული აკადემიის ონლაინ პლატფორმაზე (WhatsApp) ჩავატარეთ ინტერაქციული ვორქშოფი, სადაც ჩვენს გამომწერებთან ერთად მოვამზადეთ სრულყოფილი, ნუტრიენტულად მდიდარი, ბიუჯეტური და, რაც მთავარია, კვების უსაფრთხოების სტანდარტების სრული დაცვით შექმნილი სადილი.🙌 ✨ ჩვენი თეფშის ვარსკვლავი: ქათმის ზრაზი ბულგურისა და ორთქლზე მომზადებული ფერადი ბოსტნეულის მიქსის გარნირით. აი, როგორ წარიმართა საინტერესო პროცესი და რა კულინარიული საიდუმლოებები გავუზიარეთ მონაწილეებს: 🍗 რატომ ქათმის ბარკალი და არა ფილე? ზრაზისთვის გამოვიყენეთ ქართული ბაზრის ერთ-ერთი ყველაზე სანდო ბრენდის — „ნოსტეს“ გაუყინავი ქათმის ბარკალი, რომელიც თავადვე გავათავისუფლეთ ძვლისგან. ბარკლის რბილი ხორცით ფარში ბევრად უფრო წვნიანი და ნაზი გამოდის. მნიშვნელოვანი წესი: ვიყენებთ მხოლოდ გაუყინავ ხორცს, რადგან თუ მზა კერძის შენახვას/გაყინვას დავაპირებთ, ერთხელ გამლღვალი ხორცის მეორედ გაყინვა მკაცრად აკრძალულია! ხოლო თუ ზრაზს მომზადებისთანავე ვერ ვწვავთ, მას ვინახავთ მაცივარში 5°C-ზე, მაქსიმუმ 6 საათის განმავლობაში. 🌶️ არომატული ფარში პურის გარეშე: დარბილებული ხორცი გავატარეთ ხორცსაკეპში, შევურიეთ მწვანილი, წითელი ხახვი, ნიორი, წითელი ბულგარული წიწაკა, ძირა, შავი და წითელი დაღერღილი წიწაკა. პური საერთოდ არ დაგვიმატებია, რათა ზრაზი ყოფილიყო სუფთა და უმაღლესი ხარისხის ცილის საუკეთესო წყარო. შიგთავსად გამოვიყენეთ უმარილო სულუგუნი და პომიდორი, ამოვავლეთ პანკოს საფანელში და შევწვით ზეითუნის ზეთში, დაბალ ცეცხლზე. 🌾 გარნირი — იდეალური ბულგური: ბულგური ჯერ კარაქში მოვშუშეთ, სანამ მოხალული თხილის სასიამოვნო სურნელი არ წამოვიდა. დავასხით ადუღებული წყალი, დავუმატეთ მარილი და ვხარშეთ. როგორც კი წყალი შეაშრა, ოდნავ წვნიანი გამოვრთეთ და თავდახურული 10 წუთით დავტოვეთ — შედეგად მივიღეთ საოცრად ფანტია და ფხვიერი გარნირი. 🥦 ხრაშუნა და ვიტამინებით სავსე ბოსტნეული: მდუღარე წყალში ეტაპობრივად ჩავყარეთ სტაფილო, ყვავილოვანი კომბოსტო, ბროკოლი და ფერადი ბულგარული წიწაკა. აქ უმნიშვნელოვანესია დროის კონტროლი: სტაფილოს დასჭირდა 15 წუთი, ხოლო დანარჩენ ბოსტნეულს — ზუსტად 3-3 წუთი, რათა შეგვენარჩუნებინა ფერიც, სტრუქტურაც და სასარგებლო თვისებებიც. 🍽️ სერვირება და ნუტრიენტული ბომბი: მზა კერძი ესთეტიკურად მოვათავსეთ ხის თეფშზე და მივიღეთ სრულფასოვანი, დაბალანსებული კვების ფორმულა: 🔹 ზრაზი = ხარისხიანი ცილა 🔹 ბულგური = ენერგია და უჯრედისი 🔹 ბოსტნეულის მიქსი = ვიტამინები და ანტიოქსიდანტები მადლობა თითოეულ მონაწილეს აქტიურობისთვის! 💚 დაელოდეთ ჩვენს მომდევნო კულინარიულ შეხვედრებს. 💛 პატივისცემით! კულაინარიული აკადემიის ხელმძღვანელი: ქ/ნი მაია ყურაშვილი✨