ფიზიკური მაღაზია თუ ონლაინ შოპინგი — სად ვიხდით ნაკლებს სინამდვილეში? ჩვენს უბანში მცირე ბიზნესის ერთ-ერთ მთავარ პრობლემად მაღალი ქირა დასახელდა. ქირა ბიზნესის მუდმივი ხარჯია და ხშირად პროდუქციის ფასზეც აისახება. მაგრამ მოდით, საკითხს მეორე მხრიდანაც შევხედოთ. წარმოვიდგინოთ ერთი და იგივე ნივთი: 🏪 ადგილობრივ მაღაზიაში მისი ფასი 30 ლარია. 📦 ონლაინ მაღაზიაში იგივე ნივთი 27 ლარი ღირს, თუმცა თბილისში მიტანის საფასური 6 -7 ლარია. საბოლოოდ, ონლაინ შეძენისას 34 ლარს ვიხდით. თუ მაღაზიაში იგივე ნივთი 36ლარი ეღირება და გამყიდველი ამ 6-ლარიან სხვაობას ფასნამატად დაგვიდებს, შესაძლოა ვთქვათ: „რა ძვირია, სხვაგან ვიყიდი!“ მაგრამ თუ ონლაინ შევუკვეთავთ და 27 ლარს დამატებული 7 ლარის მიტანის საფასურს გადავიხდით, ხშირად ამას ჩვეულებრივ ხარჯად აღვიქვამთ. თუმცა რა მნიშვნელობა აქვს, ვის ვუხდით ამ თანხას? საბოლოოდ, ეს მაინც ჩვენი ჯიბიდან გასული ფულია. რა თქმა უნდა, ონლაინ ვაჭრობასაც აქვს თავისი უპირატესობები, ისევე როგორც ფიზიკურ მაღაზიას — საკუთარი ხარჯები. ონლაინ მაღაზიასაც სჭირდება რეკლამა, შეფუთვა, საწყობი და შეკვეთების ორგანიზება. ფიზიკურ მაღაზიას კი ქირა, კომუნალური გადასახადები და თანამშრომლები. ჰოდა, რომელი უფრო მომგებიანია მომხმარებლისთვის და რომელი — მცირე ბიზნესისთვის? გვაინტერესებს თქვენი აზრი: 1. სად ყიდულობთ უფრო ხშირად - ადგილობრივ მაღაზიებში თუ ონლაინ? 2. რამდენად მოქმედებს თქვენს გადაწყვეტილებაზე მიტანის საფასური? 3. მზად ხართ, ადგილობრივ მაღაზიაში ოდნავ მეტი გადაიხადოთ, თუ სანაცვლოდ პროდუქტი ადგილზე გხვდებათ და მიტანის ლოდინი არ გიწევთ? #მცირებიზნესი #ონლაინვაჭრობა #მომხმარებელი #ადგილობრივიბიზნესი