ხვალ ჯიპტური გვაქვს და უთენია მივქრივართ ვაშლოვანში. მოკლე წვიმაა ახლა ქიზიყში და ხვალ კაშკაშა მზე გვექნება. ამჯერად აღარ გადაიდება ეს ტური. ზეგ, 11 ოქტომბერს, პანკისში მივდივართ და მახვილის ჩანჩქერსაც ვნახავთ... მერე პანკისურ ხინკალს, ჯიჯიკ გალანიშს და ლუდს დავაგემოვნებთ. 17 ოქტომბერს კვლავ გვაქვს შემოდგომის ფერებით აბრდღვიალებული პანკისის ტური და აქაც რამდენიმე ადგილია დარჩენილი. ასე, რომ ვისაც არ უნახავს საქართველოს ეს ულამაზესი კუთხე, უნდა დაჯავშნოს ტური სასწრაფოდ. 18 ოქტომბერს კი გველოდება ოფრეთი-წუღრუღაშენი-ბოლნისის სიონი-პეტრე-პავლეს მონასტერი... ამ ტურშიც ადგილების გარკვეული ნაწილი დაჯავშნილია. 24-25 ოქტომბერს ხომ მივქრივართ და მივქრივართ თურქეთში. ტრაპზონი-სუმელა-უზუნგოლის ტური მთლიანად შევსებულია. ნოემბერში უნგრეთში მივდივართ, თვითმფრინავის ბილეთები და სასტუმროს ადგილები უკვე შეძენილი გვაქვს და საშობაოდ მორთულ ბუდაპეშტსაც ვნახავთ. მერე გიმზადებთ ძალიან მაგარ ტურებს, მაგრამ ახლა ერთს გამოვარჩევ მხოლოდ და მასზე გესაუბრებით: ნოემბერში, გურიაში ყვითელი ციტრუსის სეზონია. ხოდა, უქმე დღეებში, ორდღიანი ტური გვექნება სწორედ გურიაში. ძალიან მაგარ სანახაობებს ვნახავთ და თან მანდარინის რთველს დავესწრებით, ჩვენი ხელით მოვკრეფთ მანდარინს, ლიმონს, გრეიფრუტს და თუ გვენდომება, სახლშიც წამოვაცუნცულებთ. აბა, მარტო ყურძნის კრეფა კი არ ვიცით კახელებმა. აწი, მანდარინის კრეფაც უნდა ,,დავამუღამოთ". წელს, საშობაოდ, ბრატისლავა-ვენის ტურიც გვექნება და ბუდაპეშტშიც წავალთ მეორეჯერ. საახალწლო ტური ხომ ჩვენი ტრადიციაა და აუცილებლად გვექნება თავისი თოვლის პაპით, თოვლის ქალით და კიდევ ბევრი საინტერესო აქტივობით. ადგილს თქვენ აგარჩევინებთ, მაგრამ ბოლოს მაინც მე გადავწყვეტ, სად შევხვდეთ 2027 წელს, სიხარული, სიყვარული, ერთად ყოფნა, მატერიალური სიკეთე და ა.შ. რომ დაგვებედოს! :))) სიყვარულით, ,,ნელიკო ტურის" ნელიკო